見倒好多人拎住呢條數黎講，但似乎無乜人真係會仔細少少去諗，究竟「因永久離港為理由而被提走66億，比上年增加27.3%」係一個咩概念？
響度簡單同大家睇一睇：66億呢個數字，係指舊年去到今年年頭嘅總數，而呢個數要加埋27.3%呢個百份比先有意思。因為佢係假設舊年以永久離港為由提走強積金嘅人，好多因為香港政治環境轉變而走，所以呢個數額先會比前者多左超過四份一。
咁66億當中嘅27.3%其實就係15.6億，即係話報導係假設呢個數係同香港人走佬移民有關。咁15.6億又係一個咩概念？如果一個人每個月供足強積金，做咗十年嘢後打算拎錢走佬，咁佢會提取嘅強積金總額就係3X萬左右（因為2014年先將供款上限由1200增加到1500）。
咁我地再假設好多人其實都供唔足強積金，當平均每個香港移民提取強積金係20萬，咁舊年就有7800人；如果將個數減到平均15萬，就係10400人。
咁睇到呢度，當然好都人都會反駁「車，剩係睇英國政府公佈BNO個數都唔止啦！」、「大把人移民拎唔倒強積金走呀你知唔知」、「人地一家大細移民，你有無計埋佢地仔女人頭呀」
其實我並無打算為政府護航，依我身邊觀察呀，當然係有好多人移民走佬啦，唔係而家班移民撚唔會咁撚惡，掉番轉頭屌番無移民嘅人係「逃兵」、「奴隸」、「人格有問題」，走咗佬嘅佢地先係真正嘅戰士啦。
燒山以前有一句嘢我係幾認同，佢話立法會議員對於超過100億以上嘅數字係全無概念，所以佢地根本無能力審議好多政府財務開支預算；如果拎香港人黎講，可能呢個數可能係1億以上。你話積金局夾硬講成呢個增長「未必」同移民有關呢個講法當然係弱智，如果我用呢樣嘢黎起題，肯撚定呃多十幾倍LIKE番黎添。
但我始終希望大家諗下，響我地引用一切數字之先，有無仔細思考個個數字有咩實際意思呢？例如早排黃絲好興講嘅係，將所有資產同強積金拎走哂去外國，就可以衝擊香港金融制度云云。
咁我又可以比個數字大家睇：66億永久提取離港嘅強積金，大概佔現有香港強積金存款幾多呢？大概係0.5%
Search